饑荒

西元二零一零年二月十八日。

年初五。天文台昨錄得入冬以來氣溫新低。

現在的確沒有兒時期待新年的氣氛了，以前會買新衫新鞋，又會一家大細去行花巿，初一去阿嫲屋企拜年，初二去阿嫲屋企團拜加開年(即係又係拜年囉！)，初三無地方去，結果又去阿嫲屋企開賭局玩魚蝦蟹、大細。食糖、食雞、食燒肉、食瓜子、食煎堆...總之新年就是老馮買新野，老馮唔怕肥膩唔怕熱氣。

現在自己有收入，一年到晚，隨時隨地想買就買，想食就食，從此忘記了什麼叫做「期待」，有東西落肚也變成理所當然的。但新年流流竟被我看到這單新聞──北韓饑荒嚴重 頻傳居民餓死。

城巿人餓死情況越來越嚴重，這個世界怎麼了？你們作為香港人，被鄉下耕田的餵食，可有想過也要在你十八樓家中種一兩棵菜，養幾隻雞，必要時有糧，還望那雞生生性性，多生幾隻蛋，好讓你一家幾口食得飽？

人家海地天災，連總統都成了難民，沒什麼可怒可怨。北韓的都是政府的錯，到底何時會見到官逼民反？

香港算是亞洲數一數二的城巿，我不禁為自己生在這裡暗喊一聲「好險」。